Қазақстан Республикасы Мәдениет және ақпарат министрлігінің Дін істері комитеті іске асыратын жоба аясында, СҚО әкімдігі Дін істері басқармасының қолдауымен 10-11 сынып оқушыларының алдында СҚО әкімдігі Дін істері басқармасы КММ бас маманы Нуртас Нурмагамбет сөз сөйледі. Әңгіме жастарды экстремистік ұйымдарға тарту қаупін азайтуға, сондай-ақ жастарда сыни ойлау мен радикалды идеологияға қарсы тұру қабілетін дамытуға бағытталды. Қоғамда төзімділік мәселелеріне және түрлі діни конфессиялар өкілдерімен өзара әрекеттесуіне ерекше назар аударылды. Шетелде білім алу кезінде жастар радикалды ағымдардың ықпалына ұшырау қауіптеріне ерекше назар аударылды. Сондай-ақ, Қазақстан қоғамының тұрақтылығына қауіп төндіретін деструктивті діни ұйымдардың қатерлері талқыланды. Әңгіме барысында оқушылар өздерін қызықтырған сұрақтарды қойып, маманнан білікті жауаптар алды.
