«Оқуға құштар мектеп» жобасы аясында 2 сынып оқушылары арасында «Ертегі білгірлері» әдеби викторинасы өткізілді. Іс-шара кітап оқуға деген қызығушылықты арттыруға, сонымен қатар ертегілер туралы білімдерін бекітуге бағытталған. Викторинаға қатысушылар танымал ертегілердің сюжеті, кейіпкерлері мен оқиғаларына байланысты сұрақтарға жауап берді.
Викторина әртүрлі тапсырмаларды қамтыды, мысалы:
• Сұрақтар,
• Балалардың сүйікті шығармаларына негізделген жұмбақтар мен ребустар.
Бұл іс-шараның мақсаты мектеп оқушыларының әдеби шығармалар туралы білімдерін тереңдету ғана емес, олардың сыни тұрғыдан ойлауын, топпен жұмыс істеу қабілетін дамыту, кітапқа, кітап оқуға деген сүйіспеншіліктерін арттыру болды. Мұндай іс-шаралар оқу-тәрбие процесінің маңызды бөлігіне айналып, оқушылардың шығармашылық қабілеттерін дамытуға, әдебиетке деген қызығушылықтарын нығайтуға ықпал етеді.
