Дүниежүзілік Азаматтық қорғаныс күні қарсаңында «Ахмет Байтұрсынұлы атындағы №9 орта мектеп» КММ-нің 5-сынып оқушылары Петропавл қаласының №2 мамандандырылған өрт сөндіру бөліміне барды.
Экскурсия балалар үшін қызықты оқиға ғана емес, сонымен қатар маңызды қауіпсіздік сабағы болды. Өрт сөндіру бөлімінің қызметкерлері мектеп оқушыларына мамандықтары туралы айтып, өртті сөндіруге және төтенше жағдайларды жоюға қолданылатын құрал-жабдықтар мен арнайы техникаларды көрсетті.
Балалар әсіресе өрт сөндірушілердің жауынгерлік киімдерін көрсетуге қызығушылық танытты: олар дулыға киіп көру, оттегі маскалары және басқа да техника элементтерімен танысу мүмкіндігіне ие болды. Мектеп оқушылары өрт сөндірушілердің дабылға қаншалықты тез дайындала алатынын және өрт болған жағдайда қандай шаралар қолдану керектігін білді.
Сонымен қатар, қызметкерлерибалаларға төтенше жағдайлар кезіндегі қауіпсіз мінез-құлық ережелерін, сондай-ақ 101 телефоны арқылы құтқару қызметін дер кезінде шақырудың маңыздылығын еске салды.
Мұндай іс-шаралар балаларға өрт сөндірушілер мен құтқарушылардың жұмысының маңыздылығын тереңірек түсінуге, сондай-ақ қауіп төнген жағдайда дұрыс әрекеттерді үйренуге көмектеседі. Мектеп оқушылары бөлім қызметкерлеріне қызықты экскурсия және пайдалы білім үшін алғыстарын білдірді.
Дүниежүзілік Азаматтық қорғаныс күні 1 наурызда атап өтіледі және барлығына болуы мүмкін төтенше жағдайларға дайындықтың маңыздылығын еске салады. Осындай кездесулердің арқасында мектеп оқушыларының жауапкершіліктері артып, қауіпсіздік мәселелерін жете біледі.
