2025 жылдың 2 сәуірінде «А. Байтұрсынұлы атындағы №9 орта мектеп» КММ PISA 2025 (Programme for International Student Assessment) халықаралық зерттеуіне қатысты. Зерттеуге 15 жастағы 40 мектеп оқушылары қатысты.
PISA үш жыл сайын өткізіледі және 15 жастағы оқушылардың оқу жетістіктерін бағалауға бағытталған. Зерттеудің тоғызыншы циклі 2025 жылы өтеді, оған 89 ел қатысады. Зерттеу сауаттылықтың үш негізгі саласын қамтиды: оқу, математика және жаратылыстану. Биылғы жылы оқушылардың жаратылыстану саласындағы білімдері мен дағдыларын бағалауды көздейтін жаратылыстану сауаттылығына басты назар аударылды.
Сонымен қатар, PISA 2025 жаңа инновациялық бағытты қамтиды — «Цифрлық әлемде оқыту». Зерттеудің бұл компоненті оқушылардың цифрлық технологияларды пайдалана отырып, өз бетінше білім алуға дайындық деңгейін анықтауға бағытталған.
PISA зерттеуінің мақсаты – қазіргі қоғамда табысты қызмет ету үшін қажетті білім мен дағдыларды анықтау болып табылады. Ол оқушылардың қызметтің әртүрлі салаларындағы кең ауқымды мәселелерді шешу, әлеуметтік ортада өзара әрекеттесу және алған білімдерін күнделікті өмірде қолдана білу қабілетін бағалайды.
Біздің мектептің PISA 2025-ке қатысуы – бұл білім сапасын бағалаудағы және оқушылардың халықаралық стандарттар бойынша дайындық деңгейін түсінудегі маңызды қадам. Біз оқушыларымызды мақтан тұтамыз және олардың осы зерттеуде мектепті лайықты түрде танытқанына сенімдіміз.
