Жиырма төртінші мамыр. Көптен күткен күн!
Өйткені тағы бір оқу жылы өз мәресіне жетті –
Сабақтар, формулалар, бақылау жұмыстары,
Тыңғылықты еңбектер артта қалды енді.
Жиырма төртінші мамыр – дәстүр жалғасы,
Бәрі де осы күнді асыға күтті.
Кеше ғана бала болған шәкірттеріміз
Есейіп, ер жетіп, үлкен өмірге бет бұрды.
Енді оларға кең дүниенің есігі ашық,
Біз жай ғана «өмір» дейтін әлемге аттанады.
Сол әлемде олар сүйіп, сеніп,
Жасап, құрып, дүниенің тағдырын қалыптастырады!
Бүгін мектебіміздің түлектері үшін салтанатты жиын өтті.
Түлектердің артында – жаңалықтарға толы, қызықты оқу сәттерімен, алғашқы жеңістер мен жетістіктерге толы мектеп жылдары қалды.
Мектепті аяқтау – әрбір адам үшін маңызды кезең, алаңсыз балалық шақ пен дербес, ересек өмірдің арасындағы бірегей өткел іспетті.
Түлектерге арнап ізгі тілектерін мектеп директоры, ата-аналар және сынып жетекшілері жолдады. Алда тұрған ең маңызды қадамдардың бірі – болашақ мамандықты таңдау және өмірлік жолын анықтау. Барша түлектерге қорытынды аттестацияны сәтті тапсыруларына тілектеспіз!
Қымбатты түлектер! Мектеп жылдарын әрдайым жылы күлкімен, алғыс сезімімен еске алып жүріңіздер. Сіздерге мол табыс, ашық аспан, жаңа өмір жолында сәттілік пен бақыт тілейміз!
