Шағын орталықта Наурыз мейрамына арналған «Ұлттық спорт күні» атты спорттық ойын-сауық іс-шарасы ұйымдастырылып, өткізілді.
Іс-шараның мақсаты: балаларды ұлттық салт-дәстүрмен таныстыру, дене шынықтыруға қызығушылығын арттыру, салауатты өмір салтын қалыптастыру болды.
Іс-шараға барлық жастағы балалар мен тәрбешілер қатысты. Мереке халық дәстүрлерінің рухына толы жылы, достық атмосферада өтті.
Іс-шарада дәстүрлі спорттық ойындар мен жарыстар өткізілді:
«Арқан тарту»,
«Тақия», «Бәйге» , «Теңге ілу» (эстафета);
белсенді ойындар мен қазақ дәстүрінің элементтері бар эстафеталар.
Балалар ойындарға үлкен қызығушылықпен және ынтамен қатысып, ептіліктерін, жылдамдықтарын, командалық рухты көрсете білді. Тәрбиешілер дәстүрлі ойындардың маңызы, тарихы, мәдениеттегі рөлі туралы түсіндірмелермен жарысты сүйемелдеді.
Қорытынды: Наурыз мейрамына орай өткізілген Ұлттық спорт күні балалардың дене дайындығын дамытуға, ұлттық спорт түрлеріне деген қызығушылықтарын арттыруға, мәдени дәстүрлерге деген құрметті нығайтуға ықпал етті. Іс-шара сәтті өтті және барлық қатысушыларға ұмытылмас әсер қалдырды.
