«А.Байтұрсынұлы атындағы №9 орта мектебі» КММ оқушылары С.Мұқанов атындағы қазақ сазды-драма театрында Ұлыстың ұлы күні әз Наурыз мерекесіне орай «Жыл басы кім?» атты балаларға арналған ертеңгілікке қатысты. Ертеңгіліктің негізгі мақсаты – балаларға Наурыз мерекесінің маңыздылығын ұғындыру, оның ерекшеліктерін көрсету және ұлттық рухты дәріптеу болды. Шара барысында оқушылар «Жыл басы кім?» атты қойылымды тамашалады. Бұл қойылымда 12 жыл атаулы жануарлар арасындағы қызықты сайыс сахналанып, жылдың басы ретінде тышқан таңдалғаны көрсетілді. Балалар қойылымға үлкен қызығушылықпен қарап, оны ерекше ықыласпен қабылдады.Сонымен қатар, мектеп оқушылары қазақтың ұлттық ойындарына қатысып, біліктіліктерін сынады. Олар арқан тарту, қыз қуу сияқты ойындарды ойнап, мерекелік көңіл-күйге бөленді. Бұл іс-шара жас ұрпақтың ұлттық мәдениетке деген сүйіспеншілігін арттыруға үлкен үлес қосты.
